Mendicancy · பொருட்பால் · குடியியல் · குறள் 1051–1060
Irakka Iraththakkaark Kaanin Karappin
Avarpazhi Thampazhi Andru
இரந்து கேட்க தக்கவரைக் கண்டால் அவனிடம் இரக்க வேண்டும், அவர் இல்லை என்று ஒளிப்பாரானால் அது அவர்க்கு பழி, தமக்கு பழி அன்று.
— மு. வரதராசனார்
Inpam Oruvarku Iraththal Irandhavai
Thunpam Uraaa Varin
இரந்து கேட்ட பொருள் துன்பமுறாமல் கிடைக்குமானால், அவ்வாறு இரத்தலும் இன்பம் என்று சொல்லத் தக்கதாகும்.
— மு. வரதராசனார்
Karappilaa Nenjin Katanarivaar Munnindru
Irappumo Reer Utaiththu
ஒளிப்பு இல்லாத நெஞ்சும், கடைமையுணர்ச்சியும், உள்ளவரின் முன்னே நின்று இரந்து பொருள் கேட்பதும் ஓர் அழகு உடையதாகும்.
— மு. வரதராசனார்
Iraththalum Eedhale Polum Karaththal
Kanavilum Thetraadhaar Maattu
உள்ளதை மறைத்துக் கூறும் தன்மையைக் கனவிலும் அறியாதவரிடத்தில் இரந்து கேட்பதும் பிறர்க்கு கொடுப்பதைப் போன்ற சிறப்புடையது.
— மு. வரதராசனார்
Karappilaar Vaiyakaththu Unmaiyaal Kannindru
Irappavar Merkol Vadhu
ஒருவர் முன் நின்று இரப்பவர் அந்த இரத்தலை மேற்கொள்வது, உள்ளதை இல்லை என்று ஒளித்துக்கூறாத நன்மைகள் உலகத்தில் இருப்பதால் தான்.
— மு. வரதராசனார்
Karappitumpai Yillaaraik Kaanin Nirappitumpai
Ellaam Orungu Ketum
உள்ளதை ஒளிக்கும் துன்பநிலை இல்லாதவரைக் கண்டால், இரப்பவரின் வறுமைத் துன்பம் எல்லாம் ஒரு சேரக் கெடும்.
— மு. வரதராசனார்
Ikazhndhellaadhu Eevaaraik Kaanin Makizhndhullam
Ullul Uvappadhu Utaiththu
இகழ்ந்து எள்ளாமல் பொருள் கொடுப்பவரைக் கண்டால், இரப்பவரின் உள்ளம் மகிழ்ந்து உள்ளுக்குள்ளே உவகை அடையும் தன்மையுடையதாகும்.
— மு. வரதராசனார்
Irappaarai Illaayin Eernganmaa Gnaalam
Marappaavai Sendruvan Thatru
இரப்பவர் இல்லையானால், இப் பெரிய உலகின் இயக்கம் மரத்தால் செய்த பாவை கயிற்றினால் ஆட்டப்பட்டுச் சென்று வந்தாற் போன்றதாகும்.
— மு. வரதராசனார்
Eevaarkan Ennuntaam Thotram Irandhukol
Mevaar Ilaaak Katai
பொருள் இல்லை என்று இரந்து அதைப் பெற்றுக் கொள்ள விரும்புவோர் இல்லாதபோது, பொருள் கொடுப்பவனிடத்தில் என்ன புகழ் உண்டாகும்.
— மு. வரதராசனார்
Irappaan Vekulaamai Ventum Nirappitumpai
Thaaneyum Saalum Kari
இரப்பவன் எவரிடத்திலும் சினம் கொள்ளாதிருக்க வேண்டும், அவன் அடைந்துள்ள வறுமைத் துன்பமே அவனுக்கு அறிவு புகட்டும் சான்றாக அமையும்.
— மு. வரதராசனார்