Not Coveting · அறத்துப்பால் · இல்லறவியல் · குறள் 171–180
அஃதாவது, பிறர்க்குரிய பொருளை வௌவக் கருதாமை. பிறர் உடைமை கண்ட வழிப் பொறாமையே அன்றி, அதனைத் தான் வௌவக் கருதுதலும் குற்றம் என்றற்கு, இஃது அழுக்காறாமையின் பின் வைக்கப்பட்டது.
Natuvindri Nanporul Veqkin Kutipondrik
Kutramum Aange Tharum
நடுவுநிலைமை இல்லாமல் பிறர்க்குரிய நல்ல பொருளை ஒருவன் கவர விரும்பினால் அவனுடைய குடியும் கெட்டுக் குற்றமும் அப்போழுதே வந்து சேரும்.
— மு. வரதராசனார்
Patupayan Veqkip Pazhippatuva Seyyaar
Natuvanmai Naanu Pavar
நடுவுநிலைமை அல்லாதவற்றைக் கண்டு நாணி ஒதுங்குகின்றவர், பிறர் பொருளைக் கவர்வதால் வரும் பயனை விரும்பிப் பழியான செயல்களைச் செய்யார்.
— மு. வரதராசனார்
Sitrinpam Veqki Aranalla Seyyaare
Matrinpam Ventu Pavar
அறநெறியால் பெறும் இன்பத்தை விரும்புகின்றவர், நிலையில்லாத சிறிய இன்பத்தை விரும்பி அறம் அல்லாதவற்றைச் செய்யார்.
— மு. வரதராசனார்
Ilamendru Veqkudhal Seyyaar Pulamvendra
Punmaiyil Kaatchi Yavar
ஐம்புலன்களையும் வென்ற குற்றமில்லாத அறிவை உடையவர், யாம் வறுமை அடைந்தோம் என்று எண்ணியும் பிறர் பொருளை விரும்பார்.
— மு. வரதராசனார்
Aqki Akandra Arivennaam Yaarmaattum
Veqki Veriya Seyin
யாரிடத்திலும் பொருளைக் கவர விரும்பிப் பொருந்தாதவற்றைச் செய்தால், நுட்பமானதாய் விரிவுடையதாய் வளர்ந்த அறிவால் பயன் என்ன?
— மு. வரதராசனார்
Arulveqki Aatrinkan Nindraan Porulveqkip
Pollaadha Soozhak Ketum
அருளை விரும்பி அறநெறியில் நின்றவன், பிறனுடைய பொருளை விரும்பிப் பொல்லாத குற்றங்களை எண்ணினால் கெடுவான்.
— மு. வரதராசனார்
Ventarka Veqkiyaam Aakkam Vilaivayin
Maantar Karidhaam Payan
பிறர் பொருளைக் கவர விரும்புவதால் ஆகும் ஆக்கத்தை விரும்பாதிருக்க வேண்டும்; அது பயன் விளைவிக்கும்போது அப்பயன் நன்மையாவது அரிதாகும்.
— மு. வரதராசனார்
Aqkaamai Selvaththirku Yaadhenin Veqkaamai
Ventum Pirankaip Porul
ஒருவனுடைய செல்வத்திற்குக் குறைவு நேராதிருக்க வழி எது என்றால், அவன் பிறனுடைய கைப்பொருளை விரும்பாதிருத்தலாகும்.
— மு. வரதராசனார்
Aranarindhu Veqkaa Arivutaiyaarch Cherum
Thiranarin Thaange Thiru
அறம் இஃது என்று அறிந்து பிறர் பொருளை விரும்பாத அறிவுடையாரைத் திருமகள் தான் சேரும் திறன் அறிந்து அதற்கு ஏற்றவாறு சேர்வாள்.
— மு. வரதராசனார்
Iraleenum Ennaadhu Veqkin Viraleenum
Ventaamai Ennunj Cherukku
விளைவை எண்ணாமல் பிறர் பொருளை விரும்பினால் அஃது அழிவைத் தரும்; அப்பொருளை விரும்பாமல் வாழும் பெருமை வெற்றியைத் தரும்.
— மு. வரதராசனார்